أم صويلح: بغينا ناكل الصراحة،، لكن هاي بي بي،، صار لها يومين كئيبة وما تبغي تسوي شيء،، وما عرف هذا كله ليش. بي بي: كيف ماما ما يعرف ليش!،، هذا كله ظلم،، كله ظلم،، والله حرام. أم صويلح: عنبو وين الظلم،، إنتم مهزومين بخمس،، يعني لو قلنا ظلم في أول جول بنقول عادي،، ولو قلتم في الثاني،، بنقول عاااادي،، لكل كل الاجوال ظلم،، ما عندج سالفة. فطوم: شوي شوي عليها،، الهزيمة صعبة! أم صويلح: ليش، أول مرة ينهزمون؟ متعودين هاييول عادي عندهم،، إنتي تعرفين إنه مرة دخل فيهم منتخب الاتحاد السوفيتي 11 جول،، خيييبة. بي بي: بس نحن مرة يجيب 7 هدف في واحد مباراة. سلامة: صدق؟! أم صويلح: هي صدق،، في منتخب سري لانكا،، يعني نفس الفريج. بي بي: هييي، هييييئ هيييء،، كله ظلم، كله نفرات ظلم، إنتي بروحج أول أمس يقول هذا فوزي مال منتخب البحرين مافي زين. أم صويلح: قلنا مافي زين،، لأنه تحايل على الحكم وسوى عمره طيحوه،، لكن ما قلنا إن الحكم ظلمكم،، بالعكس الحكم عطاه جزاته وطرده وحرمه من مباراة بلاده الجايه مع استراليا. سلامة: صدق يدووه؟! أم صويلح: هي صدق،، عيل يسوي أفلام هندية وحركات داخل الملعب ويتركونه عادي! بي بي: هيييء هيييء،، ليش تقولين حركات هنود؟!،، هنود مايسوي هاى حركات داخل مباراة،، عيب. سلامة: وحليلها،، هاي وايد متأثرة!